အသင်း၏ အသင်းသားအမျိုးအစားများကို အောက်ပါအတိုင်း အမျိုးအစား ခွဲခြားသတ်မှတ်ရမည်-

1. သာမန်အသင်းသား (Ordinary Member)

   အသင်း၏ သင်းဖွဲ့စည်းမျဥ်း အခန်း (၂) အပိုဒ် ၇ (က)(ဂ)(ဃ)(င) အထိ အကျုံးဝင်၍ အသင်းက အသင်းသားအဖြစ် တရားဝင်လက်ခံအသိအမှတ် ပြုခံ ရသော အသင်းအဖွဲ့ များနှင့် တသီးပုဂ္ဂလတစ်ဦးချင်း မြန်မာနိုင်ငံသားများ၊

2. ရာသက်ပန်အသင်းသား (Life Member)

   1. သာမန်အသင်းသားအဖြစ် သက်တမ်း (၂)နှစ်ပြည့်ပြီး အသက် ၄၅ နှစ် အထက် ရှိ၍ သတ်မှတ်အသင်းဝင်ကြေးပေးဆောင်ပြီး တသီးပုဂ္ဂလ တစ်ဦးချင်း အသင်း သားများ၊
   2. သာမန်အသင်းသား (သို့မဟုတ်) ညီနောင်အသင်းအဖြစ် သက်တမ်း (၂) နှစ်ပြည့်ပြီး၍ သတ်မှတ် အသင်းဝင်ကြေးပေးဆောင်ပြီးသော အသင်းအဖွဲ့များ နှင့် လုပ်ငန်းတူ အစုအဖွဲ့များ၊

3. ညီနောင်အသင်း (Affialiated Member)

   သင်းဖွဲ့စည်းမျဥ်း အခန်း(၂) အပိုဒ် ၇(ခ)ပါ အရည်အချင်းပြည့်စုံ၍ အသင်းတွင် သာမန်အသင်းသား (သို့မဟုတ်) ရာသက်ပန်အသင်းသားအဖြစ် ဝင်ရောက်ထား သော အသင်း အဖွဲ့နှင့် လုပ်ငန်းတူအစုအဖွဲ့များ၊

4. တွဲဖက်အသင်းသား (Associate Member)

   သင်းဖွဲ့စည်းမျဥ်း အခန်း(၂) အပိုဒ် ၇ အပိုဒ်ခွဲ (စ)ပါ အရည်အချင်းပြည့်စုံသူ နိုင်ငံခြားသားများပိုင် စက်ဆီ၊ ချောဆီ လုပ်ငန်းရှင်ပုဂ္ဂိုလ်၊ အဖွဲ့အစည်း (သို့မဟုတ်) ကိုယ်စားလှယ်လွှဲအပ်ခံရသူ တွဲဖက်အသင်းသားသည် အသင်းက ဖိတ်ကြားထားသော အစည်းအဝေးများ၊ အခမ်းအနားများတွင် တက်ရောက် ဆွေးနွေးအကြံပေးပိုင်ခွင့်ရှိသည်။ သို့ရာတွင် ရွေးချယ်ခံပိုင်ခွင့်နှင့် ဆန္ဒမဲပေးခွင့် မရှိစေရ။

5. ဂုဏ်ထူးဆောင်ဥက္ကဋ္ဌ (Honorary Chairman) နှင့် ဂုဏ်ထူး‌ဆောင်အသင်းသား (Honoray Member)

   1. အသင်းဥက္ကဋ္ဌတာဝန်မှ လတ်တလောအနားယူသွားသော ယခင်ဥက္ကဋ္ဌ (Immediate Past President- IPP) အား ဂုဏ်ထူးဆောင်ဥက္ကဋ္ဌ (Honorary Chairman) အဖြစ် ဗဟိုအလုပ်အမှုဆောင်အဖွဲ့က သတ်မှတ်နိုင်သည်။ ဂုဏ်ထူးဆောင် ဥက္ကဋ္ဌ၏ သက်တမ်းသည် လက်ရှိဆောင်ရွက်နေသည့် အသင်းဥက္ကဋ္ဌ၏ သက်တမ်း အတိုင်းဖြစ်သည်။
   2. ရေနံနှင့်ရေနံထွက်ပစ္စည်းဆိုင်ရာလုပ်ငန်းများကို နှစ်ပေါင်းများစွာ စွမ်းစွမ်း တမံ ဆောင်ရွက်ခဲ့သော လုပ်ငန်းကျွမ်းကျင်သူပုဂ္ဂိုလ်များ၊ အသိပညာရှင်များ၊ အတတ်ပညာရှင်များ၊ ဥပဒေဆိုင်ရာပညာရှင်များ၊ အသင်း၏ လုပ်ငန်းများကို တိုးတက်ဖွံ့ဖြိုးအောင်မြင်ကြီးပွားစေရန် အထောက်အကူ ပြုနိုင်သော ပုဂ္ဂိုလ်များကို အသင်း၏ ဂုဏ်ထူးဆောင် အသင်းသားအဖြစ် အသင်းဗဟိုအလုပ်အမှုဆောင် အဖွဲ့က ရွေးချယ်သတ်မှတ်နိုင်သည်။
   3. ဂုဏ်ထူးဆောင်ဥက္ကဋ္ဌ နှင့် ဂုဏ်ထူးဆောင်အသင်းသားသည် အသင်းဝင်ကြေး နှင့် နှစ်စဥ်ကြေးပေးသွင်းရန်မလိုပါ။
   4. ဂုဏ်ထူးဆောင်ဥက္ကဋ္ဌ နှင့် ဂုဏ်ထူးဆောင်အသင်းသားသည် အသင်းက ဖိတ်ကြားသော အစည်းအဝေးများ၊ အခမ်းအနားများတွင် တက်ရောက် ဆွေးနွေးအကြံပေးနိုင်ခွင့်ရှိသည်။ သို့ရာတွင် ရွေးချယ်ခံပိုင်ခွင့် နှင့် ဆန္ဒမဲ ပေးခွင့်မရှိစေရ။